Запісы жывуць на прыладзе і сінхранізуюцца з намі
Запіс захоўваецца ў тэлефон і ідзе на сервер: інакш ён не перажыў бы страту тэлефона і не з'явіўся б на другой прыладзе. На серверы ён ляжыць абязлічаным — побач няма ні імя, ні пошты, ні нумара.
Запісы ў нас ёсць — і яны нічые
Самае асабістае, што можна запісаць, заслугоўвае сумленнага адказу, а не прыгожага абяцання. Вось што адбываецца з вашымі запісамі на самай справе.
Перапіска з партнёрам шыфруецца
Зносіны партнёраў ідуць зашыфраванымі: наш рэтранслятар дапамагае прыладам знайсці адна адну, але прачытаць тое, што праз яго праходзіць, мы не можам. Самі запісы ідуць на сервер абязлічанымі.
Рэгістрацыі няма — красці няма чаго
Ні пошты, ні нумара, ні пароля: уліковы запіс стварае сама прылада пры першым запуску, і ў ім толькі тэхнічная пазнака. Базы карыстальнікаў, па якой вас можна знайсці, не існуе, і аднаўляць пароль няма каму.
Код уваходу не пакідае тэлефон
Код, які адкрывае праграму, і TOTP-сакрэт за ім ствараюцца на прыладзе і ляжаць у яе абароненым сховішчы. Нікуды не перадаюцца.
Што ідзе на сервер
Самі запісы: дата, працягласць, пазнакі і нататка, калі вы яе напісалі. Побач з імі няма ні імя, ні пошты, ні нумара, ні даты нараджэння — толькі тэхнічная пазнака прылады. Плюс ананімныя справаздачы пра збоі: мадэль прылады, версіі сістэмы і праграмы, тэхнічны след памылкі.
Што выдаляецца, а што застаецца
Выдаленне праграмы сцірае запісы з тэлефона. Абязлічаная копія на серверы застаецца: яна не звязана ні з якім чалавекам, таму і запыт на яе выдаленне нам няма да чаго прывязаць. Асобнага дзеяння «сцерці ўсё з сервера» ў праграме няма.
Калі тэлефон згубіўся
Той, хто знойдзе, упрэцца ў код уваходу, а не ў вашу гісторыю. На новай прыладзе запісы вернуцца з абязлічанай копіі — па кодзе сувязі, а не па пошце ці нумары: іх у нас няма.
Поўны тэкст, без пераказу
Палітыка канфідэнцыйнасці кажа тое ж самае юрыдычнай мовай.
Чытаць палітыку